يــــــــــــمه احبـــــــه

البارحه مابين بسمه ودمعات
وهموم قلبي من مفارق ضنيني

بكيت يمه والبكى مابه سكات
وإيدك على راسي تهدي ونيني

يمـه احبـه والمحـبه بـلـيـات
والخوف في قلبي تجرع حنيني

اثر المفارق قطع القلب قطعات
محدن قدر يرجع دموع عيني

والله يمه مبسمه مابعد فات
عن ناظري واليا نسيته يجيني

الزاد عفته ومشربي ماله هوات
وش له اعيش دام قلبه نسيني

يمه طلبتك كان لي عندك رضات
خليه يرجع ويرجع الروح فيني

شكيت لك يمه من الضيق هيهات
والجرح في قلبي كبر من ضنيني

لااخطيت في حقه ولاخنت بالذات
شلون اخون انسان وقلبه يبيني

الله يسامح مامضى منك ومافات
ويصبر قليبي وجرحي وعيني

لاصار حبك مسوي فيني سوات
بذكرك بالخير ولاذكرتك تجيني